ଓଡ଼ିଶା ବ୍ୟୁରୋ/୨୨/୦୩ – ହୋଲି ଦିନ ସମସ୍ତେ ବିଭିନ୍ନ ରଙ୍ଗରେ ରଙ୍ଗିଯାଆନ୍ତି । ଲାଲ୍, କମଳା, ହଳଦିଆ, ସବୁଜ, ନୀଳ ଇତ୍ୟାଦି ବିଭିନ୍ନ ରଙ୍ଗ । ହେଲେ ଆପଣ ଏହି ରଙ୍ଗ ଗୁଡ଼ିକର ମହତ୍ତ୍ୱ ବିଷୟରେ ଜାଣିଛନ୍ତି କି ? ଆସନ୍ତୁ ଜାଣିବା ଏହି ରଙ୍ଗର ମହତ୍ତ୍ଵ ସମ୍ପର୍କରେ ।
ଆମ ଦେଶରେ ରଙ୍ଗର ପର୍ବ ହୋଲିକୁ ଅତି ଧୂମଧାମରେ ପାଳନ କରାଯାଇ ଥାଏ । ପିଲା ଠାରୁ ବୁଢ଼ା ସମସ୍ତେ ରଙ୍ଗୀନ ରଙ୍ଗରେ ଭିଜିଥିବା ଦେଖିବାକୁ ମିଳେ । ସମସ୍ତେ ଏହି ରଙ୍ଗର ପର୍ବକୁ ଅପେକ୍ଷା କରିଥାନ୍ତି । ପ୍ରତିବର୍ଷ ଫାଲଗୁନ୍ ମାସର ପୂର୍ଣ୍ଣିମା ଦିନ ପାଳନ କରାଯାଉଥିବା ଏହା ହେଉଛି ସବୁଠାରୁ ଲୋକପ୍ରିୟ ହିନ୍ଦୁ ପର୍ବ । ଏ ବର୍ଷ ଏହାକୁ ମଙ୍ଗଳବାର ମାର୍ଚ୍ଚ ୨୫/୨୬, ୨୦୨୪ରେ ପାଳନ କରାଯିବ । ଏହି ଦିନ, ଲୋକମାନେ ଲାଲ, କମଳା, ହଳଦିଆ, ସବୁଜ, ନୀଳ ଇତ୍ୟାଦି ବିଭିନ୍ନ ରଙ୍ଗ ପରସ୍ପରକୁ ବୋଳି ଉତ୍ସବକୁ ପାଳନ କରିଥାନ୍ତି । ତେବେ ଆପଣ ଭିନ୍ନ ଭିନ୍ନ ରଙ୍ଗର ମହତ୍ତ୍ଵ ଏବଂ ଅର୍ଥ ବିଷୟରେ ଜାଣିଛନ୍ତି କି ? ଆସନ୍ତୁ ଆମେ ଆପଣଙ୍କୁ କହିବୁ ।
ଲାଲ୍ –
ଲାଲ୍ ରଙ୍ଗ ସବୁଠାରୁ ଅଧିକ ପସନ୍ଦ କରାଯାଉଥିବା ରଙ୍ଗ ମଧ୍ୟରୁ ଗୋଟିଏ । ଲାଲ୍ ରଙ୍ଗର ବ୍ୟବହାର କେବଳ ହୋଲିରେ ନୁହେଁ, ବରଂ ଅନେକ ପର୍ବ ପର୍ବାଣୀ ଓ ଉତ୍ସବରେ ପ୍ରୟୋଗ କରାଯିବା ସହ ଲାଲ୍ ରଙ୍ଗ ମଥା ସିନ୍ଦୂର ଓ ତିଳକ ଭାବେ ମଧ୍ୟ ବହୁଳ ବ୍ୟବହାର ହୋଇଥାଏ । ସେହିପରି ହିନ୍ଦୁ ମହିଳାମାନେ ଲାଲ୍ ରଙ୍ଗର କୁମକୁମ୍ ପିନ୍ଧନ୍ତି । ଲାଲ୍ ରଙ୍ଗ ପ୍ରେମ ଏବଂ ବିବାହକୁ ପ୍ରତିପାଦିତ କରେ ସେଥିପାଇଁ ବିବାହ ଭଳି ଶୁଭକର୍ମରେ ପୋଷାକ ଓ ଶାଢ଼ୀ ଲାଲ୍ ରଙ୍ଗର ହୋଇଥାଏ ।
ସବୁଜ –
ସବୁଜ ରଙ୍ଗ ଆମ ଚକ୍ଷୁକୁ ଅନେକାଂଶରେ ଶାନ୍ତ କରିଥାଏ । ଏହାକୁ ବସନ୍ତର ପ୍ରଥମ ଛାଇ କୁହାଯାଏ । ହୋଲି ଅମଳ ୠତୁ ଏବଂ ବସନ୍ତର ଆରମ୍ଭକୁ ଚିହ୍ନିତ କରେ । ତେଣୁ ସବୁଜ ନୂତନ ଆରମ୍ଭ ସହିତ ଜଡିତ ଏବଂ ହୋଲି ଉତ୍ସବର ଏକ ଗୁରୁତ୍ୱପୂର୍ଣ୍ଣ ରଙ୍ଗ । ସବୁଜ ରଙ୍ଗ ଶାନ୍ତି, ପ୍ରକୃତି, ନୂତନ ଆରମ୍ଭ ଏବଂ ନୂତନ ଅଭିବୃଦ୍ଧି ସହିତ ଜଡିତ ବୋଲି ବିବେଚନା କରାଯାଏ ।
ହଳଦିଆ-
ହୋଲି ଦିନ, ଆପଣ ନିଶ୍ଚିତ ଭାବରେ ଅନେକଙ୍କ ମୁହଁରେ ଏହି ରଙ୍ଗ ପାଇବେ, ଯାହା ଏହାକୁ ଆହୁରି ସ୍ୱତନ୍ତ୍ର କରିଥାଏ ।ଏହା ହେଉଛି ଭଗବାନ ବିଷ୍ଣୁଙ୍କ ରଙ୍ଗ । ଶାସ୍ତ୍ର ଅନୁଯାୟୀ, ହଳଦିଆ ରଙ୍ଗ ସକରାତ୍ମକ ଶକ୍ତିର ପ୍ରତୀକ ଭାବରେ ବିବେଚନା କରାଯାଏ । ହଳଦିଆ ରଙ୍ଗକୁ ଆନନ୍ଦ, ସୁଖ ଏବଂ ସ୍ୱାସ୍ଥ୍ୟର ପ୍ରତୀକ ଭାବରେ ବିବେଚନା କରାଯାଏ ।
କମଳା-
ହୋଲି ଦିନ, ଆପଣ ଅନେକ ଲୋକଙ୍କୁ କମଳା ରଙ୍ଗ ବୋଳା ହୋଇଥିବା ଦେଖିଥିବେ । ହିନ୍ଦୁ ପୁରାଣରେ କମଳା ରଙ୍ଗ ଅଗ୍ନି, ଶୁଦ୍ଧତା ଏବଂ ଆଧ୍ୟାତ୍ମିକତାକୁ ପ୍ରତିପାଦିତ କରେ । କମଳା ରଙ୍ଗ ଶକ୍ତି, ଉତ୍ସାହ ଏବଂ ସୃଜନଶୀଳତାର ପ୍ରତୀକ ଅଟେ । ନୂତନ ଆରମ୍ଭ ଏହି ରଙ୍ଗ ସହିତ ଜଡିତ କାରଣ ଏହି ରଙ୍ଗ ସୂର୍ଯ୍ୟ ଭଗବାନଙ୍କୁ ପ୍ରତିପାଦିତ କରେ ।
ଗୋଲାପୀ-
ପ୍ରାୟ ସମସ୍ତେ ଗୋଲାପୀ ରଙ୍ଗ ପସନ୍ଦ କରନ୍ତି । ଯଦିଓ ଏହାର କୌଣସି ଧାର୍ମିକ ମହତ୍ତ୍ଵନାହିଁ । ଗୋଲାପୀ ରଙ୍ଗ ଆକର୍ଷଣ ଏବଂ ସୋନ୍ଦର୍ଯ୍ୟ ସହିତ ଜଡିତ । ଏହା ହୋଲିର ସବୁଠାରୁ ଲୋକପ୍ରିୟ ରଙ୍ଗ ମଧ୍ୟରୁ ଗୋଟିଏ । ଗୋଲାପୀ ରଙ୍ଗ ସୋନ୍ଦର୍ଯ୍ୟ ଏବଂ ବିଶ୍ଵସ୍ୱନୀୟତା ପ୍ରତିପାଦିତ କରେ ।
ନୀଳ-
ଲାଲ୍ ରଙ୍ଗ ପରେ ନୀଳ ରଙ୍ଗ ହିନ୍ଦୁ ଧର୍ମରେ ସବୁଠାରୁ ଶୁଭ ବୋଲି ବିବେଚନା କରାଯାଏ । ବାସ୍ତବରେ, ଏହା ସମୁଦ୍ର ଏବଂ ଆକାଶ ସହିତ ଜଡିତ । ନୀଳ ରଙ୍ଗ ମନକୁ ଶାନ୍ତି ଏବଂ ଆରାମ ପ୍ରଦାନ କରିଥାଏ । ନୀଳକୁ ସ୍ଥିରତା ଏବଂ ନିର୍ଭରଯୋଗ୍ୟତାର ପ୍ରତୀକ ଭାବରେ ଦେଖାଯାଏ । ନୀଳ ରଙ୍ଗକୁ ସୀମାହୀନ ଏବଂ ଅସମ୍ଭବତାର ପ୍ରତୀକ ଭାବରେ ବିବେଚନା କରାଯାଏ ।
