ପାଟଣା/୧୨/୦୪ – କେନ୍ଦୁଝର ଜିଲ୍ଲା ପାଟଣା ଥାନା ଅନ୍ତର୍ଗତ ଦୁର୍ଗାଦେଇପୁର ଗ୍ରାମରୁ ଗତ ମଙ୍ଗଳବାର ରାତିରେ ସାଉଣ୍ଡ ମେସିନ ଚୋରି ଅଭିଯୋଗରେ ପାଟଣା ପୋଲିସ ୩ ଜଣଙ୍କୁ ଗିରଫ କରିବା ସହ ଚୋରୀ ହୋଇଥିବା ୨ ଟି ମେସିନ ଉଦ୍ଧାର କରିଛି। ଦୁର୍ଗାଦେଇପୁର ଗ୍ରାମର ମାନସ ବେହେରାଙ୍କ ଘରୁ ଗତ ମଙ୍ଗଳବାର ରାତିରେ ଦୁଇଟି ସାଉଣ୍ଡ ମେସିନ ଚୋରି ହୋଇଥିବା ନେଇ ପାଟଣା ଥାନାରେ ଅଭିଯୋଗ କରିଥିଲେ ମାନସ। ଅଭିଯୋଗପରେ ପାଟଣା ପୋଲିସ ଘଟଣାର ତଦନ୍ତକରି ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ୩ ଜଣ ହେଲେ, ଦୁର୍ଗାଦେଇପୁର ଗ୍ରାମର ଚନ୍ଦ୍ର ଶେଖର ବରଡ଼ିଆ ଓରଫ (ଭେଲୁ) ବଡ଼ପାଟଣା ଗ୍ରାମର ରଞ୍ଜନ କାରୁଆ ଓରଫ (ସିପୁ) ଏବଂ ଟାଇଁସିରା ଗ୍ରାମର ଡାକ୍ତର କାରୁଆ ଓରଫ (ଲୁଲୁ) । ପୂର୍ବରୁ ଏମାନଙ୍କ ନାଁରେ ପାଟଣା ଥାନାରେ ଅନେକ ମାମଲା ରହିଥିବା ଜଣାପଡିଛି । ଏନେଇ ପାଟଣା ଥାନା କେଶ୍ ନଂ ୧୬୯/୨୪ ରେ ଏକ ମାମଲା ରୁଜୁ ହୋଇଛି।
